Tema e projektit: Libër kujtimesh për shkollën 9- vjeçare (projekt i shtrirë gjatë gjithë vitit)
Rezultatet e të nxënit: Në përfundim të projektit nxënësi
- analizon rëndësinë që ka një libër kujtimesh në përfundim të shkollës 9- vjeçare;
- përcakton se çfarë rubrikash mund të përfshihen në një libër kujtimesh;
- argumenton kontributin që mund të japë në hartimin e një libri kujtimesh.
- hulumton dhe analizon modele të ndryshme të një libri kujtimesh;
- përcakton strukturën që do të ketë libri i kujtimeve;
- liston llojet e materialeve (teksteve) që mund të ketë një libër kujtimesh;
- përcakton strukturën që do të ketë prezantimi i çdo nxënësi në librin e kujtimeve;
- harton pyetje për intervista të ndryshme për mësues, staf drejtues dhe/ose prindër;
- përcakton faqosjen, fotot dhe ilustrimet e përbashkëta në një libër kujtimesh.
- shkruan hyrjen e një libri me kujtime;
- shkruan intervista të ndryshme;
- vlerëson punët e tij dhe të shokëve të klasës.
- shkruan një jetëshkrim të shkurtër personal;
- rrëfen ngjarje nga jeta e tij;
- shkruan tekste të ndryshme përshkruese duke respektuar strukturën e tyre.
- përzgjedh foto dhe ilustrime për një tekst të caktuar.
- sintetizon dhe përmbledh tekste rrëfyese, përshkruese etj. (për librin e kujtimeve);
- redakton shkrime të ndryshme;
- prezanton me një gjuhë të qartë punën e tij, duke përdorur edhe TIK-un.
- vlerëson punimet e shokëve të klasës;
- vetëvlerëson punimet e tij.
Njohuritë dhe aftësitë kryesore që do të përdoren gjatë zhvillimit të projektit
- Përshkrimi i mbresave gjatë nëntë viteve të shkollës për t’i ndarë me shokët dhe shoqet, me mësuesit dhe me prindërit.
- Shkrimi i rrëfimeve personale duke përshkruar ose reflektuar mbi veten, mbi përvojat personale, ngjarjet e kaluara ose çështje personale.
- Shkrimi i tregimeve nga bota reale, për tema që janë interesante për moshën.
- Shkrimi i CV-je.
- Shkrimi i një interviste.
